Veerani

'विराणी' म्हणजे विरहातील स्पंदनांची कहाणी, आर्त उत्कट स्वरभावनेची गर्भस्वर तराणी. जगात सुदृढ रुपात जगणारी सगळी नाती दिसतात. नावारूपाला येतात, सन्मान पावतात. मात्र समाज, रुढी, जात-पात-धर्म, श्रीमंत-गरीब भेद या सामाजिक दूषित प्रवाहात गुदमरलेली, अर्धमृत झालेली, काळाच्या आड गेलेली, नाव नसलेली नाती; संवेदनशील मनातून मिटतच नाहीत. हृदयाच्या खोल कुपीत बिचारी मुशी मारून दडून बसतात. प्रेम-संजीवक तत्त्वच आहे माणसाचं. म्हणूनच प्रेम मनातून विरतही नाही सरतही नाही. याच आशयाची किशोर कवठे यांची 'विराणी' ही दीर्घ कविता अभिजात मराठी काव्य परंपरेचे पाठबळ घेऊन काव्यविश्वात स्वतंत्र आणि समर्थ स्थान निर्माण करणारी…